Is é aidhm an tráchtais seo bailiúchán mionlogainmneacha i mBarúntachtaí Uíbh Fhailí Thoir agus Uíbh Fhailí Thiar, Contae Chill Dara, a chur i láthair, agus grinnanailís a dhéanamh ar gach ainm d’fhonn a shanasaíocht agus a bhunfhoirm a dhéanamh amach agus , i gcás mionlogainmneacha de bhunadh na Gaeilge, d’fhonn ceannfhoirm Ghaeilge a mholadh. I gcorp an tráchtais pléitear mionlogainm in iontrálacha ina liostaítear foirmeacha a bailíodh ó cháipéisí stairiúla amhail léarscáileanna, suirbhéanna agus 35 6 gníomhais, agus ó fhaisnéiseoirí áitiúla. Liostaítear na hainmneacha de réir barúntachta, paróiste dlí agus ansin de réir baile fearainn. Leagtar amach na tagairtí stairiúla a ghabhann le gach ainm in ord croineolaíoch. Bíonn na mionlogainmneacha léirithe ar léarscáileanna den bhaile fearainn ina bhfuil siad suite nuair atá an suíomh beacht ar eolas. Tá alt mínithe ag gabháil le gach iontráil ina ndéantar anailís ar na foirmeacha stairiúla agus ar fhoirmeacha foghraíochta comhaimseartha le gur féidir bunfho irm agus sanasaíocht an mhionlogainm a rianadh siar. Mar thaca leis an anailís sin, déantar plé achomair ar chúrsaí staire, topagrafaíochta, talmhaíochta, seandálaíochta agus béaloidis, nuair is cuí. Iniúchtar na hainmneacha ó thaobh cúrsaí canúna le cur l eis an stór eolais teoranta i leith na canúna a labhraítí sa cheantar. Déantar gnéithe canúnacha atá le sonrú sna hainmneacha amhail forbairtí foghraíochta agus stór focal a chur i gcomparáid le gnéithe atá le fáil i bhfoinsí eile a bhaineann leis an gcean tar staidéir é féin, agus le ceantair eile sa tír. Chomh maith leis sin, déantar anailís mhacraleibhéil a logainmníochta r na heilimintí atá sna hainmneacha chun tuiscint níos leithne a fháil ar an gcóras ainmniúcháin sa cheantar.